Ծիրանի սոուս

Ծիրան, դեղին սալոր, սխտոր, աղ, չիլի պղպեղ, քարի, ծիտրոն, բնական համեմունքներ։ Առանց շաքարի է:

Սպիտակուցներ՝ 1.4 գր

Ճարպեր՝ 0.1 գր

Ածխաջրեր՝ 12.6 գր

Էներգետիկ արժեքը՝ 62 կկալ/ 269 ԿՋ

Քաղցրաթթու համով և մեղմ կծվությամբ սոուսը շատ հաճելի բույր ունի և առանձնանում է իր բաղադրիչների արտասովոր համադրությամբ: Թարմ, հյութալի ծիրանն ու դեղին սալորը քարիի և այլ համեմունքների հետ համատեղ ստեղծում են քացր, թթու, աղի և կծու համերի հավասարակշռությամբ և նուրբ թանձրությամբ սոուս: Այս սոուսն ստեղծելիս առաջնահերթ ուշադրություն ենք դարձրել բազմերանգ համին՝ աստիճանաբար բացվող տարբեր համերին սահունորեն ավելացող կծվությամբ։ Կծվությունը մեղմ է, հարմար է սոուսի ամենօրյա օգտագործման համար։ Այս մրգային սոուսը սիրում են և՛ մեծերը, և՛ փոքրերը։ Ծիրանի բույրը հիշեցնում է ամառային օրերը, իսկ քարին յուրահատուկ համային երանգ է հաղորդում:

Սոուսի քաղցրաթթու և մեղմ կծու համը հիանալի համադրվում է բանջարեղենային, մսային ուտեստների և խավարտների հետ, հրաշալիորեն ընդգծում է թռչնամսի համը։ Քարիի յուրահատուկ բույրով ուղեկցվող կծու համը հետաքրքիր լրացում կլինի բրնձով, կարտոֆիլով, հավի և խոզի մսով ուտեստների համար, կատարյալ զուգորդություն է սթեյքի, խորոված մատների և գրիլի վրա տապակված բանջարեղենի հետ: Այն նաև կարող է մատուցվել տոստերի հետ նախաճաշին, խրթխրթան չիպսի և լավաշի հետ։ Ծիրանի սոուսը նաև կարող է օգտագործվել որպես լրացուցիչ բաղադրիչ տարբեր ճաշատեսակների պատրաստման ընթացքում: Ի դեպ, ճաշակողի նախըտրությունից և ճաշատեսակից կախված՝ այն կարող է մատուցվել ինչպես տաք, այնպես էլ սառը վիճակում:

Հարուստ է C, A, E, B խմբի, PP, H վիտամիններով, ամինաթթուներով, միկրո- և մակրո տարրերով (կալիում, կալցիում, ֆոսֆոր, մագնեզիում, ցինկ, երկաթ, նատրիում, մանգան, պղինձ, ֆտոր, յոդ և այլն): Ծիրանը դրական է ազդում առաջին հերթին օրգանիզմի սիրտ-անոթային և նյարդային համակարգերի, ինչպես նաև աղեստամոքսային տրակտի վրա։ Մրգերի օգտակար նյութերը նպաստում են արյունատար անոթների ամրացմանը, լավացնում են հիշողությունը և տեսողությունը, մաքրում են օրգանիզմը, բարձրացնում տոկունությունն ու աշխատունակությունը: Սոուսի օգտագործումը խորհորդ է տրվում իմունիտետի ամրապնդման, անեմիայի, չարորակ նորագոյացությունների և վահանաձև գեղձի հետ կապված խնդիրների կանխարգելման համար։